http://www.baradrofn.bloggar.is

Næsta vika er þriggja daga vinnuvika, vikan eftir það er þriggja daga vinnuvika, vikan eftir það er fjögurra daga vinnuvika, vikan eftir það er fjögurra daga vinnuvika og vikan eftir það er fimm daga vinnuvika...svo er ég hætt, farin að pakka saman og heim í sveitina þar sem ég ætla að vera í sumar. Annars er Sibba komin til landsins..loksins..og við héldum upp á það á föstudaginn með því að fara niður í bæ að skemmta okkur aðeins. Í gær horfði ég svo á Söngkeppni framhaldsskólanna með Hófí og ég verð að segja að við erum ekki bestar í því að spá fyrir um úrslitin í svona keppnum. Anyways...Domino it is!

...og aldurinn færist svona hægt og sígandi yfir. Gærdagurinn var bara frábær, ég hitti stelpurnar eftir vinnu og við fórum niður á Vegamót á nýja kagganum hennar Örnu. Geðveikur matur og bara mjög kósí stemmning, ekki skemmdi þjónustan fyrir. Vorum samt eins og hálfvitar með video-cameru að taka upp á fullu. Held að Norðmennirnir á næsta borði við okkur hafi fært sig á annað borð allt út af henni. Eftir Vegamót fórum við í keilu uppi í Öskjuhlíð þar sem að Hófí tók nokkur af sínum víðfrægu ömmuskotum, þau voru nú heldur mörg þetta kvöld því að hún er með blöðrur á fingrunum og því er keila kannski ekki auðveldasta íþróttin fyrir hana til að iðka á þessum tímapunkti. Gosh (Napoleon Dynamite stíl) fór á æfingu eftir keiluna og segi nú bara sem betur fer var þetta bara létt æfing með engum þjálfara því að ég var ennþá að springa eftir matinn. Fékk þennan fína afmælissöng frá flokknum sem var á æfingu á undan okkur Well I better go watch Grey's Anatomy and fix Erla's hair before se goes to sleep so she won't have to do it tomorrow morning before she goes to school. Anyways...seeyaalllater

Jebb, ég er að horfa á myndina ('05) og það vantar svo mikið sem er í þáttunum sérstaklega það sem gerist á Pemberly fyrst eftir að Lizzie kemur þangað. Þetta er kannski ekki skrítið þar sem þættirnir eru samtals 300 mínútur en myndin 127 mínútur. En alla vegana ég myndi frekar mæla með þáttunum heldur en myndinni...svo er Colin Firth eiginlega bara hinn eini sanni Mark Darcy í mínum huga

Þar sem ég nenni ekki að leita að dagatali eða fara inn á textavarpið er bara best að blogga til að fá rétta dagsetningu. Ekki það að ég hafi eitthvað að segja en það hefur nú ekki stoppað mig venjulega þegar ég hef nennt að logga mig inn á bloggið. Ætli maður verði ekki að fara að hugsa að umsóknum í skóla fyrir næsta haust, spurning hvað á að sækja um svona með Kennaraháskólanum; sálfræði, hjúkrun, jarðfræði, félagsfræði??? Erla skrapp annars norður um seinustu helgi en ég ákvað að vera hérna fyrir sunnan og fara í óvissuferð í vinnunni. Svo fór ég að horfa á Báru frænku að keppa á laugardaginn, þær lentu í 3. sæti á Íslandsmeistaramótinu í trompi. Frábær árangur hjá stelpunum. Á sunnudaginn gerði ég sálfræðiverkefnið og fór að ná í Erlu á flugvöllinn. Við fórum beint heim til Tollu og Mikka í kaffi, Tolla og Marta voru svo duglegar að baka. Svo ákváðum við að skella okkur í bíó með Maríu kl. 18:00 á Yours, Mine and Ours, fínasta afþreying. Eftir bíó var síðan matur hjá Tollu og Mikka, takk fyrir okkur Jæja, best að gera eitthvað að viti, uppvaskið bíður enn þá....samt ekki sömu matarleyfarnar á diskunum og seinast þegar ég bloggaði - vonandi

Um daginn ég inn í bókabúð og var að skoða bækur (skrítið þar sem ég var í bókabúð ). Á einu borðinu voru enskar bækur og skilti sem stóð á "Enskar bækur, 50% afsláttur". Ég fór að skoða eina sem mér leist voðalega vel á, með fullt af girnilegum smákökuuppskriftum, en því miður var bókin á 3.995 og ég tímdi einfaldlega ekki að borga svona mikið fyrir hana. Síðan fór ég að skoða verðmiðann betur og sá að upprunalega hafði hún kostað 4.995 en verið lækkuð niður í 3.995 við þessa 50% lækkun. Ég hugsaði mér gott til glóðarinnar og ákvað að ef hún væri á 2.500 eða jafnvel 2.000 núna þá myndi ég kaupa hana. Ég vatt mér því að einni starfsstúlkunni og spurði hana út í það hvort það væri 50% afsláttur af lægra verðinu og hún bara "Nei, það er búið að draga 50% af", ég var ekki alveg sátt við það og sagði henni að það væri nú bara búið að draga 20% af þessari bók. Hún verður voðalega vandræðaleg á svipinn og skannar bókina í kassann og upp kemur 4.995 eða upprunalega verðið. Hún verður enn vandræðalegri á svipinn og segir "Hún hlítur bara að hafa verið miklu dýrari til að byrja með og þess vegna er þetta svona, þú getur fengið hana á 3.000". Ég afþakkaði boðið og gekk út því ég ætlaði ekkert að vera að láta ræna af mér 500 kalli.

Á föstudaginn fór ég í BT að ná í vinninga í sms-leik sem ég og Erla tókum báðar þátt í, hún hafði unni kippu af pepsi og ég vann bíómiða og kippu af pepsi. Þegar ég mætti á staðinn var allt pepsiið búið þannig að "því miður" fengum við bíómiða í staðinn fyrir pepsiið. Þannig að við eigum boðsmiða á Big Moma´s House 2, Pink Panther (sem by the way mig langar ekkert til að sjá) og Yours, Mine and Ours. Bíómaraþon í næstu viku sem hefði átt að byrja í dag en þar sem að ég er búin að vera veik alla helgina þá ætla ég bara að halda mig innandyra í dag. Ég kann ekkert að vera með hita, hef ekki fengið hita síðan ég var 12 ára og hef held ég aldrei farið upp í 39, 5°C vona bara að maður nái þessu úr sér sem fyrst.

Ég fór samt með Erlu á leikinn í gær, Fjölnir vs. Keflavík og því miður þá tapaði Fjölnir....þetta var svo tæpt. Vona bara að það gangi betur á næsta ári.

Jæja, best að fara að vaska upp eða eitthvað því ekki eigum við sjálfhreinsandi diska og glös

Ég ákvað að skreppa heim í sveitina núna um helgin og sit núna hérna í algerri afslöppun í Lazy Boy stólnum hans pabba að horfa á Nágranna þar seinustu viku og blogga

Ferðin norður í gær var skemmtileg, þegar við (ég og Erla) vorum að aka út úr Mosfellsbæ kom auglýsing í útvarpinu sem vakti athygli mína: Þetta er komið í búðir. Fáðu þér þetta sem er nýjasta æðið frá Freyju. Þetta. (eða eitthvað álíka) Þarna var verið að auglýsa nýja súkkulaði stykkið frá Freyju, Þetta. Næsta hálftímann veltum við fyrir okkur hversu hallærislegt nafn þetta væri og þá sérstaklega þar sem það er til annað súkkulaðistykki sem heitir hitt. Hvað myndirðu gera ef þú værir að afgreiða í sjoppu og einhver kæmi inn og bæði um Þetta og Hitt.

Þegar við komum í Baulu stökk Erla inn og gekk sakleysislega að afgreiðsluborðinu (reyndar með stórt glott á andlitinu) og fór samtalið milli hennar og afgreiðslukonunnar nokkurn veginn svona fram:

Erla: Góðan daginn. Ég ætla að fá Þetta og Hitt

Konan: Ha!

Erla: Ég ætla að fá Þetta og Hitt

Konan (Hikar og veit ekki alveg hvað hún á að gera): Ok

Erla (Með setur upp sinn snobb svip): Má ég fá eitt Þetta og eitt Hitt

Konan (Með spurnarsvip): Já

Erla (Komin með gelgjusvipinn): Það er sko nammi

Konan (Snýr sér ráðavilt að hillunum og leitar að namminu. Þegar hún rekur augun í Þetta sælgætisstykki tekur hún það upp): Ætlarðu að fá eitt Þetta?

Erla (Alveg að springa úr hlátri og fullt af öðrum viðskiptavinum að horfa á hana): Já, og eitt Hitt.

Konan: Já, ok. Hefurðu nokkuð pælt í nöfnunum á þessu nammi?

Erla (Sakleysið uppmálað): Nei, alls ekki.

 Svo kom barnið hlaupandi skellihlægjandi út í bíl með súkkulaðistykkin sín og þar hafa þau verið því hvorug okkar borðar hvorki þetta né hitt

...jebb, hver man ekki eftir þáttunum um Corky, maður verður að grafa þá upp einhvers staðar. Leikur á eftir á móti Ármann/Þrótt, vonandi bara að við eigum eftir að taka þetta því það væri alveg yndislegt. Verðum að reyna að ná að sigra þessa þrjá leiki sem eftir eru og þá er ég sátt við veturinn, ágætis byrjun. Næsta vika verður strembin, bolludagur, sprengidagur, öskudagur, starfsmannafundur og Akureyrarferð á laugardaginn. Samt er það bara Akureyrarferðin sem er á laugardaginn, hinir atburðirnir dúkka upp á öðrum dögum. Spurning um hvort maður hættir sér í saltkjötið og baunirnar á sprengidaginn....stór spurning Annars komu stelpurnar í liðinu aðeins í heimsókn í gærkvöldi, vorum bara að spila, spjalla og borða, það var mjög fínt. Ohgosh, ég vildi að Þórhallur miðill hefði bara sagt mér í fyrra hvað það væri nákvæmlega sem ég ætti að gera í framtíðinni.

...One Tree Hill III - Nú get ég sko tekið gleði mína á ný

Já hún Ella var svo góð að klukka mig þannig að here it comes.

Fjögur störf sem ég hef unnið um ævina:

- Au pair

- Staðarskáli

- Leikskóli

- Jamms, þau eru ekki fleiri....búin að vera svo lengi í Staðarskála

Fjórar bíómyndir sem ég gæti horft á aftur og aftur:

- How to loose a guy in 10 days

- Reality Bites

- Sixth Sense

- Pride & Prejudice

Fjórir staðir sem ég hef búið á:

- Skagaströnd

- Hrútafjörður

- Akureyri

- Täby, Svíþjóð

Fjórir sjónvarpsþættir sem mér líkar:

- One Tree Hill

- Alias

- Lost

- Desperate Housewifes

Fjórir staðir sem ég hef heimsótt í fríum:

- Súðavík

- París

- Atlavík

- Svíþjóð, Noregur, Danmörk, Þýskaland, Holland, Belgía, Austurríki, Sviss, Ítalía ect.

Fjórar síður sem ég skoða daglega(fyrir utan blogg):

- kki.is

- sport.is

- mbl.is

- hotmail.com

Fernt matarkyns sem ég held upp á:

- Jarðarber

- Kjúklingur

- Skyr.is jarðarberja

- Fahijtas

Fjórar bækur sem ég les oft:

- Hroki og hleypidómar

- Uppeldi

- Félagsfræði - kenningar...

- Langafi drullumallar (í leikskólanum)

Fjórir staðir sem ég myndi heldur vilja ver á núna:

- Í háskóla í London

- Á búgarði í Ástralíu

- Á kaffihúsi í París

- Í Gamla Stan í Stokkhólmi

Fjórir bloggarar sem ég klukka:

- Erla Sif

- María frænka

- Ingunn

- Kata

Jæja, þá er komið fimmtudagskvöld og þessi vinnuvika nærri því á enda líka. Það er ótrúlegt hvað dagarnir líða hratt og það verður komið sumar áður en maður veit af. Ekki að það sé neitt slæmt en samt finnst mér slæmt að eldast, ég er barasta að verða 22 ára eftir einn og hálfan mánuð og ÞAÐ er slæmt. Ohhh, ég varð fyrir þeirri óheppni í dag að týna lyklinum að skápnum mínum í vinnunni og inni í honum er gemsinn minn, ökuskírteinið og greiðslukortin þannig að ef þið viljið ná í mig þá verðið þið bara að hringja í heimasímann eða Erlu. Vonandi að það sé einhver aukalykill til af skápnum þannig að ég þurfi ekki að fá einhvern til að brjótast inn í hann Spurning hvað verður gert um helgina, þarf að gera eitthvað sálfræðiverkefni og svo er relax alltaf vel þegið. En já, verð að fara að lesa í uppeldisfræði og svo er það nottla Dess og Lost í kvöld

Jebb...LOST er að byrja í kvöld en ég er á æfingu þannig að ég er að spá í að svindla bara og slökkva ekki á millistykkinu hjá sjónvarpin þó að það sé enginn heima, ég verð nefninlega að taka þáttinn upp. Annars á ég að vera að læra uppeldisfræði...er búin með 5 spurningar af 10...en hvernig er hægt að vera að hugsa um uppeldisfræði þegar þetta bíður manns... http://www.autographsuccess.com/josh_holloway.jpg

Ég er á lífi!

Ísland er að tapa.

Tapa fyrir Ungverjum.

Ætti ekki að koma að sök. 

Ég fór á Jarhead í gær í Laugarásbíó.

Helgin er búin að vera róleg, var ein heima.

Þreif íbúðina um helgina og þvoði allan þvottinn.

Er að fara á Fjölnir vs. Hamar/Selfoss.

Svo er það bara vinna á morgun.

Eftir vinnu er æfing.

Hitta stelpurnar.

Þriðjudagur.

... Ég fór á tónleika um helgina, held að það hafi ekki gerst síðan að Robbie Williams var að spila hérna um árið og það endaði nú ekki vel. En já, alla vegana þá vorum við að keppa um daginn og það er allt önnur saga, sem varð til þess að við mættum ekki á tónleikana fyrr en það var búið ca. korter af þeim. Og já, ég sem var að búast við einhverju eins og á Robbie Williams tónleikunum þar sem voru nú ekkert alltof margir, komst að því að það er hægt að fylla Laugardalshöllina af fólki og þá meina ég stútfylla. En við Sibba náðum nú að troða okkur fram og voru nánast komnar að sviðinu þegar við (ég) gáfumst upp eftir að Damon Albarn hafði lokið við að syngja. Tónleikarnir voru hin ágætasta skemmtun, Damien Rice æðislegur og Hjálmar og Mugison voru frábærir líka, Múm kom skemmtilega á óvart en ég verð að segja að ég var ekki nógu ánægð með að Sigurrós skildi bara hafa spilað eitt lag og það sama um Damon Albarn. Hann var ein af ástæðunum fyrir því að ég keypti miða á tónleikana því let´s face it hann var sko idolið mitt í sjötta og sjöunda bekk. Það var enginn jafn sætur og æðislegur og hann Svo spilaði hann bara eitt lag

En já, vitiði nokkuð hvort að Damien Rice hafi gefið út tónleikadisk á DVD?